Tuladha Atur Pambuka lan Paripurna
1. Pambuka
Sedaya
para tamu kakung miwah putri ingkang tansah anengenaken tumindak utami.
Gegandhengan wekdal sampun nedahaken tabuh sedasa jumbuh kaliyan serat
sedhahan ingkang sampun kaaturaken, pramila titilaksana tasyakuran
aqiqah mangga kita wiwiti kanthi maos basmallah sesarengan :
“Bismillahirrahmanirrahim”. Mugi-mugi kanthi kita wiwiti nyebat
asmanipun Gusti Allah ingkang Maha Mirah lan Asing, gesang kita tansah
kinasihan Gusti ingkang Maha Kuwaos lan tansah pinaringan rejeki ingkang
kathah saha barokah. Allahuma..... “amin”.
2. Paripurna
Para
sesepuh, para pinisepuh kakung miwah putri ingkang luhur ing budi, para
tamu sinedhahan ingkang bagya mulya, sarta para rawuh ingkang kula
bekteni. Awit saking rahmat, hidayah, saha berkahipun Allah SWT
tasyakuran aqiqah anak ayu Fitria Kurnia Astuti saged prasaja, wiwit
purwa madya lan wasana tansah kalampahan kanthi rancak lan runtut.
Sepisan
malih Bapak Riyanto sekaliyan ngaturaken panuwun ingkang tanpa upami
menggah karawuhan saha puji pandonga panjenengan sedaya. Ndherekaken
sugeng kondur, mugi-mugi tindak panjenengan sedaya tansah wilujeng
dumugi dalemipun piyambak-piyambak. Kula Wahyu Sulistiyaningsih minangka
pambiwara menawi anggenipun mranata lan anglantaraken reroncening
lampah adicara ing dalu menika kathah cewet sarta kekiranganipun, kula
tansah nyuwun lumubering samodra pangaksama. Nuwun, matur nuwun.
Billahitaufiq wal hidayah, wassalamu’alaikum Wr. Wb.
